G-20 सम्मिट, भारत ओड़ो: भारत रेन आदिवासी को

G-20 सम्मिट, भारत ओड़ो: भारत रेन आदिवासी को

सेनो:जन 7-8 जुलाई 2017 तारीख रे जर्मनी दिसुम रेय: हमबर्ग रे विश्व रेन मोद् हिसि मपरंङ दिसुम रेन लीडर को जारू लेना. ने जारू जगर के G-20 सम्मिट को मेनेया. ने दुनुब रे 19 दिसुम रेन लीडर ओड़ो सेंट्रल बैंक रेन अधिकारी को जमा-ना ओड़ो मोयोद प्रधिनिधि यूरोपियन यूनियन सा-अएते यूरोपियन यूनियन रेन सचिव ओड़ो: यूरोपियन डेवलपमेंट बैंक रेन अधिकारी किन ताइना.

G-20 दुनूब रेय: बरनिका:
निउला ने दुनुब रे विशेष रूप ते पेरिस जलवायु समझौता, आतंकवाद ओड़ो: दिसुम रे कुरु-मुटु उन्नति रेय: मुद्दा कोरे पुर: को जगर जना. अबु भारत दिसुम रेन प्रधानमंत्री नरेन्द्र मोदी G-20 सम्मिट रे सोबन लीडर कोव: सनामाङ रे पाकिस्तान स-अएते आतंकवाद कोके बढ़ावा नमो:तन काजी कोए उदुबद कोवा. ओड़ो: सोबन कोके अर्जियद कोवा चि ने-लेकन दिसुम कोके सोबेन कोते नेल लगतिङ्अ आतंकवाद के उक्सुर तन दिसुम कोके देंगा का ओम लगतिङ्अ. इनि: मेन केदा चि काजी बारी तेदो का मेंदो कमि रेयो नेया आउ लगतिङ्अ चि आतंकवाद केबु रोकावेया.

G-20 दुनूब रेय: एनेटे: 25 सितम्बर, 2009 रे होबा लेना अद सिदा रेय: G-8 फोरम केको रिप्लेस केदा. G-20 रे गोटा ओते दिसुम कोर: 85% ग्रॉस वर्ल्ड प्रोडक्ट पूंजी मेन: अद 80% वर्ल्ड ट्रेड ने दिसुम को रिकाय तना ओड़ो: ओते रेन 2/3 मनोवा होन (जनसँख्या) को ताइनो: तना. ने दिसुम रेय: नुतुम को ने   लेका मेनागा:-

अर्जेंटीना, ऑस्ट्रेलिया, ब्राजील, कनाडा, चीन, यूरोपियन यूनियन, फ्रांस, जर्मनी, भारत, इंडोनेसिया, इटली, कोरिया गणतंत्र, मैक्सिको, रूस, सऊदी अरब, तुर्की, संयुक्त राज्य अमेरिका.

भारत ओड़ो: भारत रेन आदिवासी: ने दुनूब रे: सन्दर्भ रे:

ने दुबुब रे भारत रेय: लेबर रिफार्म ओड़ो: स्टार्टअप लेकन एनेटे: कोर: प्रसंशा होबा जना. G-20 रेन सोबन दिसुम रेन लीडर को फ्री एंड फेयर ट्रेड मेनते को राजी जना ओड़ो: पेरिस जलवायु समझौता केयो मंतिंग रेय: काजी को बपाई जना (अमेरिका के बगी केयाते).

दुनूब रेय: एक्शन प्लान लेकाते भारत Ease of Doing Business  Report रे नेऊलंङ् 130 स्थान रे मेनाइ:या मेंदो हिजू तन समय रे भारत 50 रैंक रेय: बितर रे ताईनो: रेय: सनाङ तनय. ने सनाङ गे अबु आदिवासी कोव: पुर: बोरो रेय: काजी तन-अ.

भारत सरकार ने Ease of Doing Business रेय: रैंक रे चिल्का सुधार अउवेया ऐना दो समय उदुबेया मेनदो, इसु पूर: पूंजी निवेश को भारत दिसुम रे अबु आदिवासी को बीर-बुरु ओड़ो लोयोंग पीड़ी कोयते हरतिंङ केबुए: तेको रिका जदा. जोदि ने लेकन सोंकोटो को हिजु:जन रे अबु दिसुम जगा-जिमी को चिल्का बू बंचावया एनामेंते चिमिनङ चिर्गल मेनाबुअ.

अबु बंचाव मेनते नियम कोदो बईया कना मेनदो ऐना कोके सोबन को इतून-सरीन ओड़ो: जोटो: रे ताईनो: रेय: दरकार मेनागा:. एनामेनते हगा ओड़ो: मिसी को धरम, जाति-किली, नागुरी-हसदा-अ, उरांग-मुंडा, हो-सांता कोरे अलोबू बिपिंगा का. ओड़ो: जनव-जनव सोतोगाकन बू ताइनो:का, सोबन को जोहार!