अम: उड़ु:

सांगिन दिशुम, कम नेलो:

मेद् तेतम् ... दुलाड़ा,

मेद् बितर रपिद् कोरे

अमदो रेतम् उकुवाकन।

मोन बांदा जिलिङ चाकर

दअः हेने-लो लेका

जपः ते हिजु गम

ओड़ो सांगिन दनङ ते रुवाड़म।

बिर अकंदल तला रे

अयुम मेयङ तमः रोसोद्

सुगड़ दुरङ गमु

कुइली कुहु तान रे l 

सिरमा रे बुल तन

दअः रिमिल, नीला तानरे

मोन तङ दो दुरङ सुसुन

मेद् दअः तङ दो उबुल-डुबुल।

Samu Dhodray

(सेंड़ा सेतेङ रे चपा लेना)
Pic: www.pinterest.com
Typing: Kisan Purty